Швейцар улс Украинд туслахаас татгалзав

Д.Бизьяа

Анд нөхдийн мэдээ

Чихэнд чимэгтэй

2022-12-06

Швейцарийн Холбооны улс Украин улсад байлдааны сум нийлүүлэх талаар Герман улсын зүгээс тавьсан хүсэлтээс удаа дараа татгалзаж байгаад НАТО-гийн тэргүүн ихэд гайхаж байгаагаа илэрхийлжээ. НАТО-гийн ерөнхий нарийн бичгийн дарга асан Андерс Расмуссен Швейцарийн хэвлэлд өгсөн ярилцлагадаа “Украин улсад сум нийлүүлэхээс татгалзаж буй Швейцарийн засгийн газрын шийдвэр ихэд ойлгомжгүй байна. Тус улс нь төвийн сахисан орон гэдэг үндэслэл хэлж байгаа ч өнөөгийн нөхцөл байдалд дэлхийн ямар ч орон төвийг сахих боломжгүй” хэмээн мэдэгджээ. Тэрбээр Европ даяар ардчилалын үнэт зүйлийг хамгаалах үйлс өрнөж байхад тус улс ийм шийдвэр гаргасан нь зөв үйлдэл биш байсан тухай өгүүлсэн байна. Өнгөрсөн сард Германы Гадаад хэргийн сайд тус улсад айлчилж 10 мянга гаруй байлдааны сум Украин улсад нийлүүлэх хүсэлт тавьсан боловч татгалзсан хариу сонссон юм. Төвийг сахих статустай Швейцарийн Холбооны улсын хуульд улс хоорондын зэвсэгт мөргөлдөөн болж буй газарт байлдааны хэрэгсэл нийлүүлж болохгүй тухай заалт байдаг ажээ.