Улаан загалмай нийгэмлэгийн ерөнхийлөгч ОХУ-д айлчлав
Олон улсын Улаан загалмай нийгэмлэгийн ерөнхийлөгч Миржана Сполярик өнгөрсөн долоо хоногт Москвад айлчилж, ОХУ-ын хэд хэдэн төрийн өндөр албан тушаалтнуудтай уулзан Украины дайны олзлогдогсдын асуудлаар ярилцжээ. Айлчлалын үеэр М.Сполярик тус улсын Гадаад хэргийн сайд Сергей Лавров болон Батлан хамгаалахын дэд сайд, Хүний эрхийн дээд комиссар, Улаан загалмайн төлөөлөгч нартай хэд хэдэн хэлэлцээр хийсэн бөгөөд Олон улсын хүмүүнлэгийн хуулийг дагаж мөрдөх шаардлагатайг онцолсон байна. Тус нийгэмлэг нь дайн, мөргөлдөөнтэй бүс нутаг дахь олзлогдогсдын эмчилгээ, эрүүл мэндийн байдалд хяналт тавьж, тэдний ар гэрийнхэнтэй харилцах арга замыг бий болгоход чухал үүрэг гүйцэтгэсээр ирсэн юм. М.Сполярик айлчлалынхаа дараа хийсэн мэдэгдэлдээ "Дайнд олзлогдогсдын эмчилгээний асуудалд дорвитой ахиц дэвшил гаргах цаг нь болсон" гэжээ.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.