Хойд Америкийн гурван улсын удирдагчид уулзана
Хойд Америкийн гурван улсын удирдагчид болох АНУ, Мексик, Канад улсын төрийн тэргүүн нар нэг жилийн дотор хоёр дахь удаагаа уулзах гэж байна. АНУ-ын ерөнхийлөгч Жо Байден, Канадын ерөнхий сайд Жастин Трюдо нарыг Мексикийн ерөнхийлөгч Андрес Мануэль Лопе Обрадор энэ сарын 9, 10-ны өдрүүдэд Мехико хотод болох гурван талын дээд хэмжээний уулзалтад урьсан байна. Хил залгаа оршдог эдгээр гурван улсыг англи хэлний “three” буюу гурав, испани хэлний “amigos” буюу найз гэсэн үгсээр төлөөлүүлж “three amigos” буюу гурван найз гэж нэрлэдэг. Энэхүү уулзалт нь 2005 онд АНУ-ын Ерөнхийлөгч Жорж Бушийн үед эхэлж, 2016 он хүртэл гурван жил тутамд тогтмол зохион байгуулагдаж байсан ч 2017-2020 онд Дональд Трампын засаглалын үед хоёр улсын хооронд үүссэн маргааны улмаас зогсоод байсан юм. юм. Улмаар ерөнхийлөгч Ж.Байден тангараг өргөсний дараа буюу 2021 оны 11 дүгээр сард дахин эхэлжээ. Уулзалт ээлжлэн явагддаг бөгөөд зохион байгуулагч орны тэргүүн нөгөө хоёр удирдагчийг урьж зохион байгуулдаг уламжлал тогтжээ. Энэ жил 10 дахь удаагаа болж буй уг уулзалтаар гурван улсын хамтын ажиллагаа, эв нэгдлийг бэхжүүлэх ерөнхий хөтөлбөрөөс гадна цагаачлал, хар тамхины наймаа, эрчим хүч зэрэг тулгарсан асуудлуудыг хэлэлцэхээр төлөвлөж байна. Ялангуяа АНУ-ын Засгийн газрын хамгийн том толгойны өвчин болсон Латин Америк дахь хууль бус цагаачлалын эсрэг авах арга хэмжээний талаар ерөнхийлөгч Ж.Байден саяхан Д.Трампын засаг захиргааны үед цагаачлалын жагсаалаас урьдчилан сэргийлэх зорилгоор хэрэгжүүлж байсан "Гол 42" бодлогыг өргөжүүлэхээр төлөвлөж байгаагаа зарласан бөгөөд үүнд Мексик ямар хариу үзүүлэх нь тодорхойгүй байна. Мехико хотод айлчлахын өмнө хууль бус цагаачлалын нөхцөл байдлыг шууд судлахаар Техас мужийн Эль Пасод хил дээр саатаж буй Ерөнхийлөгч Ж.Байдений байр сууринаас үзвэл, Мексиктэй хамтран ажиллах нь "дэг журамтай цагаачилдаг" хууль ёсны замыг бий болгоход чухал ач холбогдолтой юм. Мөн АНУ-д жил бүр 100 мянга гаруй хүний аминд хүрдэг фентанил зэрэг хар тамхины наймаатай тэмцэх талаар ямар арга хэмжээ авах нь сонирхол татаж байна. Цагаан ордны Үндэсний аюулгүй байдлын зөвлөлийн Стратегийн харилцаа холбооны зохицуулагч Жон Кирби энэ сарын 6-ны өдөр "Мансууруулах бодис нийлүүлэх сүлжээ болон картелийн асуудлыг хэлэлцэх нь энэ уулзалтын сэдэвт багтсан" хэмээн мэдэгджээ. Канадын ерөнхий сайд Ж.Трюдо мөн энэ уулзалтын өмнө "Ерөнхийлөгч Байден бид хоёр Мексикийн ерөнхийлөгчид эрчим хүчний худалдааны дүрмийг дагаж мөрдөх нь гадаадын хөрөнгө оруулалтыг тус улсад татахад тустай гэдгийг ойлгуулна" гэж мэдэгджээ. Энэ бол Мексикт хийж буй Ж.Байдений анхны айлчлал юм. Ж.Трюдогийн хувьд 2017 онд анх удаа Мехико хотод айлчилж, тухайн үеийн ерөнхийлөгч Энрике Пена Ньетотой дээд хэмжээний уулзалт хийж байсан юм.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.