Монголын 21 гэрэл зурагчны бүтээлийг Токио хотын үзэсгэлэнд дэлгэв
Японы Гэрэл зургийн холбооноос зохион байгуулж буй “Токиогийн гэрэл зургийн сар 2025” үзэсгэлэнд Монголын 21 гэрэл зурагчны бүтээлийг долоон байршилд дэлгэхээр боллоо. Үзэсгэлэнг энэ сарын 2-нд нээсэн бөгөөд Монголын үзэсгэлэнт байгаль, нүүдэлчний соёл, зан заншил, дүр төрхийг харуулсан зургууд дэлгэж байна. Тавдугаар сарын 20-ноос энэ сарын 23-ны хооронд “Canan Open” галерейд Ж.Амартүвшин, Б.Эрдэнэбулган, Э.Мөнхчулуун, П.Баатарзоригт, Б.Баяраа нарын зургийг дэлгэж байгаа бол “Lumix Base Tokyo” галерейд тавдугаар сарын 28-наас энэ сарын 29-нийг дуустал С.Тамирын гэрэл зургийг үзүүлж байна. Харин “Sony Imaging” галерейд Г.Батсүх, Ч.Итгэл, Г.Ган-Өлзий, С.Нацагдорж, Ш.Төмөрсүх нарын гэрэл зургийг өнөөдөр дэлгэх бөгөөд үзэсгэлэн 12-ныг хүртэл зургаа хоног үргэлжлэх ажээ. Мөн өнөөдөр “Tokyo” галерейд Б.Баярын, “OM System” галерейн үзэсгэлэнд өчигдөр Д.Октябр, Э.Ганбаярын гэрэл зургийг 16-ныг хүртэл Япон дахь монголчууд очиж үзэх боломжтой. Түүнчлэн энэ сарын 11-нээс наймдугаар сарын 31 хүртэл “Hanzomon” музейд Ц.Батбаатар, С.Бадамханд, Б.Нямгэрэлийн, долоодугаар сарын 3-8-ны хооронд “Hiltopia” урлагийн талбайд Т.Буян-Эрдэнэ, Т.Рэгзэн, Б.Мөнхтулга, Х.Золбоо нарын нүүдэлчин ахуйг буулгасан гэрэл зургуудыг дэлгэх юм байна.
ТӨСТЭЙ МЭДЭЭ
Волейболын шигшээ багийнхан Вьетнамд очжээ
2025-06-06
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.