Хөххот: Зоогийн газрын хоолыг 80 км хол газарт дроноор хүргэжээ

Б.Бадамзул

Анд нөхдийн мэдээ

2025-05-06

Өвөр Монголын Хөххотын Тогтох тойрогт хэрэгжүүлж буй төслөөр нам доогуур нисдэг FS35E загварын дроныг туршиж рестораны хоолыг 80 км алсад орших хаягаар хүргэж өгсөн байна. Ингэхдээ Шар мөрний загасаар хийсэн хоолыг Тогтох тойргоос Хөххотын сансар судлалын эдийн засгийн хөгжлийн бүсэд Шар мөрний дээгүүр нисгэн 40 минутын дотор хүргэжээ. Дроныг Шаньси мужийн Шиань хотод төвтэй “Satpro M&C Tech” компанид бүтээсэн бөгөөд цагт 180 км зам туулах, 300 метр өндөрт хөөрөх чадвартай аж. Энэ нь Хөххотод хүргэлтэд анх удаа нам дор нисдэг дрон ашигласан явдал болсон бол Алшаа аймагт 2025 оны эхээр ингэний сүү тээвэрлэхэд ийм дрон ашиглаж эхэлжээ. Ингэхдээ малчдын хотноос 20 км зайд орших үйлдвэрт саасан сүүг зөөхөд дрон ашиглаж байгаа аж. Тус аймагт нам дор нисдэг дрон ашиглахад агаарт торох өндөр барилгагүй зэргээр газар зүйн хувьд давуу талтай байгаа гэнэ.

Эх сурвалж: "China Daily" сонин.